7 min read

唔關索羅斯事

亞洲金融風暴真係因為炒家興風作浪?
唔關索羅斯事

話說,有個台灣嘅 Facebook Page @fanamericantime 講索羅斯同大陸嘅恩怨,講講吓扯咗去亞洲金融風暴,又爆咗句話「香港搵富爸爸(神奇國度)幫手,擊退大鱷。」一睇就知出事喇,但好快呢個 Page 都要出澄清。

公道咁講,本來我都想抽吓水,笑吓 #世界四大不可信 。但諗返轉頭,其實呢件事都反映咗三件事:

一,當資訊越來越多,噪音一定更多。
二,多人講嘅嘢,好易變成共識;結果多數人嘅理解力,主宰咗我哋見到嘅嘢,aka 主流觀點。
三,但最大嘅問題係,好多人將觀點同事實混淆,影響到分辨是非嘅能力。

Internet 又好,從前嘅大眾媒體又好,本質亦如是。舊一派嘅人,會信「傳媒工作者會把關㗎喇」,但 who watches the watchmen?雖然我哋難免都會受到每日接觸到嘅資訊,影響我哋對事情嘅判斷,但哲學啲咁講,我始終相信每個人都要為自己所作出嘅判斷,以及所衍生出來嘅行動言論負責。

換句話說,相信啲乜嘢,最終都係我哋自己嘅選擇。

另外,好重要所以講多一次,分辨何謂真假之前,首先要學識分乜嘢係客觀存在嘅事實,乜嘢係可以被推翻嘅觀點。可以被推翻嘅觀點,即係理論;理論,只係觀點,一定唔係事實嘅全部。理論,只有分「有用」同「無用」。

有用嘅理解,可以有普遍嘅解釋能力。無用嘅理論,有兩種:永遠都推翻唔到嘅,例如形形式式嘅陰謀論;又或者係 specific 到除咗一個孤例以外,就乜嘢情況都唔適用嘅「個別事件」。

講返亞洲金融風暴;當時大陸有冇幫過香港?我見台灣 Page 走去搵資料,都係睇埋啲任志剛嘅發言、新聞稿等。唉,呢啲咪唔嚴謹囉;但我又唔係單純針對呢個 Page,又或者呢件事,而係慨嘆好多人從根本上唔識分,何謂觀點,何謂事實。

This post is for paying subscribers only