12 min read

紫荊黨的陰謀與陽謀

話說有新香港人組黨,名曰紫荊黨,計劃招收25萬黨員。坊間有人話係中共地下黨浮面,亦又有人話係要用新香港人取代真香港人。
紫荊黨的陰謀與陽謀

01,話說有新香港人組黨,名曰紫荊黨,計劃招收25萬黨員。坊間有人話係中共地下黨浮面,亦又有人話係要用新香港人取代真香港人。兩件事,其實冇抵觸。但究竟仲有冇第三、四、五個可能呢?

02,洋紫荊,又稱香港蘭,學名 Bauhinia x Blakeana ,即係兩隻羊蹄甲屬嘅植物混種,非常切合香港呢個地方嘅設定,亦係亞熱帶地區嘅植物。紫荊,係 Cercis Chinensis,完全係另一個科嘅植物,主要生長北方溫帶。大陸班人,一見到個「洋」字,就要自卑心作祟,馮京作馬涼。其實好多人都提過呢點,但始終大陸就係有班人,硬係堅持要整走個「洋」字。

03,其實香港,本來就係一個開放多元嘅城市;即係話,人人都有權發表自己嘅主張,又不過其他人都有權去話多舊魚。從前呢,就算有自由,都唔見好多人話要積極做啲咩。大家都係「你有你嘅生活,我有我嘅忙碌」;社會棟樑,或者會認為各家自掃門前雪嘅世界好冷漠。但經過呢兩年,大家都明白,有自由去選擇平淡恬靜,先係真正嘅幸福。

04,港漂組黨,當然有佢哋嘅自由。不過與此同時,有媒體老闆畀政治檢控,有前議員要遠走他鄉,咁呢班人又點解唔可以有佢哋嘅自由呢?「自由唔係絕對嘅!自由都有框架有底線。」呢啲說話,係咪似曾相識呢?從前我講自由市場嘅時候,幾乎每次都聽到有人咁樣反駁。

05,「咁,不如你又話我知,你所講嘅底線同框架,係乜,又係點樣得來?」我份人就最鍾意講道理。

=文章餘下部份,訂戶專享 =

This post is for paying subscribers only