9 min read

假如螞蟻金服係 FinTech?

騙局嘅開頭,往往係美麗嘅童話故。大家都見到目前各種不是,希望有份改寫未來世界嘅歷史,最緊要係可以賺一大筆。結果有啲人,買中咗蘋果、Amazon。有啲人,就買咗 Theranos。
假如螞蟻金服係 FinTech?
Photo by Peter F. Wolf / Unsplash

幣少爺礦業又算唔算 FinTech?

01,大家記唔記得「幣少爺」?幣少,何止係 FinTech 先驅,佢直頭香港搞 Cryptocurrency 嘅 KOL 喇。

02,我唔知大家點睇 Cryptocurrency。未入正題之前,我要好似每日嘅「講股環節」,聲稱自己係冇持有任何 Cryptocurrency 或者相關嘅權益。

03,諗起幣少爺,因為螞蟻上唔到樹。本來我非常唔情願寫呢個題目;尤其係當人人都接受咗「一日都係馬雲多口又串嘴」呢個解釋,仲有咩可以補充?

04,雖然我個人認為,呢個解釋合符多數人對中共嘅想像嘅理由,但太過兒戲。但正如大多數榕樹頭式嘅歷史故事:多數人容易明白嘅講法,就會成為大多數人了解嘅事實。真正嘅實情係,冇人知咩事;網上文化除咗有「消息當分析」,亦都「分析當消息」呢個變種。我冇任何消息,本來就冇乜發言權;呢個係點解我唔寫「螞蟻上唔到樹」嘅第二個原因。

05,不過,我都睇過下螞蟻嘅上市文件。睇完之後,真係覺得呢個世界對幣少爺有啲唔公平。假如螞蟻都叫 FinTech?咁幣少爺當日推銷嘅礦機又算係乜?但呢啲都唔緊要,正如剛剛所講,我哋嘅世界係由大多數人嘅認知塑造出來,結果唔一定合乎嚴謹嘅邏輯。

=文章餘下部份,訂戶專享 =

This post is for paying subscribers only